O vindeiro xoves, o persoal funcionario e interino estamos chamados
a elixir aos nosos representantes nos órganos de representación. Nomeadamente,
no ámbito das comarcas de Compostela e As Rías, estamos chamados a
votar para a Xunta de Persoal dos Servizos Centrais e para a Xunta de
Persoal da Coruña.
Son unhas eleccións nas que
competimos con outras organizacións sindicais para ter o maior número de
delegadas e delegados, pero nas que, na realidade, o que temos que
facer é reclamar do xeito máis forte e firme a recuperación dos nosos
dereitos económicos e laborais perdidos, e nos que temos que reclamar
tamén unha Función Pública digna onde as traballadoras e traballadores
do Público teñamos unha representación á altura das circunstancias.
As
compañeiras e compañeiros que traballamos actualmente pola CIG, cremos
que a mellor opción é a nosa, e non só polo único feito de ser a nosa
opción, senón porque o noso compromiso e a nosa capacidade de loita, que
exercemos a través desta organización sindical, está fóra de dúbida.
Por todo isto, pedímosche que te impliques e nos axudes a que a CIG obteña un gran resultado este xoves.
NA DEFENSA DOS SERVIZOS PÚBLICOS E DOS DEREITOS DAS TRABALLADORAS E TRABALLADORES
O XOVES, 16 DE ABRIL... VOTA CIG
Lugares e horarios de votación:
-Servizos Centrais. Situación definitiva das mesas.
Horario (Servizos Centrais) entre as 10:00 e as 16:00 h.
- Xefatura Territorial da Coruña:
* Compostela, mesa nº 9, oficina agraria comarcal (Rúa Fonte dos Concheiros, nº 9 baixo)
* Noia, mesa nº 11, oficinar agria comarcal (Rúa Rosalía de Castro, nº 6 baixo)
Horario (XP da Coruña) entre as 09:00 e as 14:30 h.
Máis información sobre as eleccións sindicais:
- Servizos Centrais.
- Xefatura Territorial da Coruña.
Ningún comentario:
Publicar un comentario