Resumo do acontecido no Comité de
Seguridade e Saúde Laboral dos Servizos Centrais da Xunta de Galicia de data
25/11/2014:
Punto 1. Medidas correctoras feitas polas distintas consellarías onde se
fixeron recentemente avaliacións de riscos.
Consellería de Cultura e Educación (edificio San Caetano)
Educación di que se
amañou todo o que estaba pendente por facer segundo a avaliación e cita especificamente:
o cableado que estaba polo chan, o envío da documentación que estaba no corredor
ao arquivo e a reparación das luminarias onde faltaban ou tiñan menos luz da
que establece a normativa.
Cultura cita os mesmos
arranxos e engade que se emendaron varias cousas nos corredores de San Caetano
coa colaboración da consellaría de Presidencia como son as portas e os pasamáns
das escaleiras.
A persoa representante di que esta todo o que poñía na avaliación amañado que basicamente era o cableado e a sinalización; cando se lle pregunta por unha varanda que tiñan que pór di que están mirando isto que esta orzamentado e que a van a mercar. Nada dos arquivadores do corredor do soto.
Consellaría de Medio Rural e de
Mar (edificio San Caetano)
A persoa representante non asiste a esta reunión polo que se acorda que se quede para a vindeira
reunión o que se fixo con respecto a súa avaliación.
Consellaría de Presidencia (San Caetano)
A persoa representante di que
se amañou todo o que estaba pendente da avaliación e que colaboraron en facer
os amaños das zonas comúns, corredores, escaleiras, patios…
Dirección Xeral de Relacións Exteriores (Rúa do Hórreo)
Acórdase que quede para seguinte sesión xa que non teñen datos dos traballos
que se realizaron.
Medio Ambiente (San Lázaro)
A persoa representante da Administración dixo que estaba todo amañado: sinalización, cableado,
humidades, choiva nalgún despacho, retirada de expedientes para o arquivo.
Edificio Administravo (R/ Pastoriza)
Facenda dixo que estaba todo
amañado, humidades, pingueiras, arquivos, etc. Preguntóuselle por unha varanda
que había que por e di que está orzamentado pero xa veremos para o vindeiro
exercicio...
Educación o principio
di que non ten datos, a pesar do cal, despois di que xa esta todo amañado (¿?). Preguntáselle si se prevé
o traslado do persoal de Política Lingüística e di que non sabe nada (os
traballadores din que se van para San Roque) pero que pensa que non vai haber
traslado porque en San Roque non hai sitio para acoller a todo o persoal e que
para alí foi o centro Ramón Piñeiro e proximamente non van a ir ninguén máis.
Punto 2. Sobre a solicitude de avaliación
de riscos físicos e psicosociais dos postos de traballo dos inspectores/as de
servizos sociais da Consellaría de Traballo.
Despois dunha longa discusión de quen é
competente, xa que tiñamos unha resposta do Servizo de Prevención de SSCC de
que non era competencia do Comité de servizos centrais, senón do Comité de
Traballo e Benestar, quedou claro de que é
de servizos centrais xa que é un servizo que está en San Caetano e por competencia
corresponde a este comité.
Desde a parte social demandamos que se faga
canto antes esta avaliación dada as condicións específicas e a situación de desgaste deste colectivo, pero tamén doutros postos e colectivos que teñan situacións que podan perxudicar psicolóxicamente ao persoal. Que ao final
da un pouco igual, pois o representante da consellaría non estaba alí para escoitarnos, polo que
pedimos que se lle comunique a demanda do comité de que fagan
esa avaliación canto antes. E cal é a resposta do resto de representantes da Administración? Silencio, como de case
todo o que costa diñeiro e non ten efecto político ou como todo o que non
queren facer pero non queren dicir por que. O que está claro é que a saúde psicolóxica das traballadores e traballadoras dos Servizos Centrais non lles importa o suficiente. Un silencio cómplice no que non vamos participar.
Punto 3.- Reiteración da necesidade de iniciar e impulsara as acción
respecto das medidas de prevención e sanción do acoso sexual que obriga a Lei
galega para igualdade.
É a terceira vez que se trata este tema no
comité e a Administración volve dicir o mesmo: que se compromete a falar coa
Secretaría Xeral de Igualdade e darlle un impulso e que cando teña un borrador
nolo pasará. Despois falan do compromiso da Xunta coa erradicación da violencia
machista.
As Nacións Unidas definen a violencia contra a muller como "todo acto de violencia de xénero que resulte, ou poida ter como resultado un dano físico, sexual ou psicolóxico para a muller, inclusive as ameazas de tales actos, a coacción ou a privación arbitraria de liberdade, tanto se se producen na vida pública como na privada".
As Nacións Unidas definen a violencia contra a muller como "todo acto de violencia de xénero que resulte, ou poida ter como resultado un dano físico, sexual ou psicolóxico para a muller, inclusive as ameazas de tales actos, a coacción ou a privación arbitraria de liberdade, tanto se se producen na vida pública como na privada".
Punto 4.- Varios
Carros da limpeza ocupando espazo nos
aseos e nas zonas de paso; sobre todo en Facenda e Educación. Un clásico do punto de varios e outra
vez a Administración responde con outro clásico: que toman nota e que intentarán resolver este tema.
Traballadora da consellería de Industria
que se lle ten que facer un cambio de localización xa que ten problemas coas correntes
de aire e co aire acondicionado. Este caso esta avaliado e ten informe
favorable do servizo de prevención do mes de xullo; o representante da
consellería di que están niso, e que de momento non está resolto porque teñen
que facer unhas obras que non dan comezado; a mesma resposta desde setembro, non dan prazo para solucionalo.
Portas de saída de emerxencia do rexistro
xeral, din que toman nota e que as revisarán.
Varias portas dos corredores de San
Caetano que están moi recias, máis ben fai falla unha mula para movelas, din
que toman nota.
Queixa do edificio do SERGAS en San Lázaro
por unhas pletinas de aceiro que hai nas entradas e que cando teñen humidade
esvarase. Tamén se dí que nos pasillos hai fotocopiadoras e mobles e que non é
o lugar máis adecuado para estes, tamén toman nota disto.
Queixa a MUGRATA, empresa que fai as
avaliacións, xa que as de este ano, algunhas está feitas fai mais de seis meses
aínda non enviaron o informe.
Ningún comentario:
Publicar un comentario